东部华侨城导游词范文
大家早晨啊，琴晚训得好唔好啊？系度先代表南海中旅向大家表示衷心的感谢先，因为甘早就要起床等车啦，睇下，有好多人都系度打瞌睡啦？甘先自我介绍一下先啦，小女名叫周韵宜，大家可以叫我阿宜，或者亲切小小叫我宜宜，但千奇唔好读歪音读成“姨姨”喔~跟住呢，我就要介绍下我地最劳苦功高嘅司机唐师傅啦，今日，我地嘅唐师傅将会带大家一路通往开心又愉快嘅旅程。
好啦，废话少讲，大家报左“东部华侨城”呢个团啦，但又对呢个地方了解多少呢？相信大多数游客都系第一次去华侨城噶播，系咪对距有好没美好，好新鲜嘅憧憬呢？其实呢，我相信，经过呢两日东部华侨城之旅，大家肯定有好大嘅感触嘅，因为东部华侨城又被叫做“都市人的生态乐园”，主要分为两大模块：大峡谷同茶溪谷。大峡谷主要系机动游玩娱乐设施为主，而我地今日嘅重点茶溪谷呢，主要体验嘅系中西文化嘅交融系呢个行程当中我地可以一边饮下茶，叹下茶点，一边欣赏传说中嘅茶戏啦，学到好多鉴别茶种同优劣嘅方法啦，观赏到广东最大嘅人工湿地啦，睇下d太空瓜果啦，200几种嘅蝴蝶啦，仲有好多好多以前好少见，好多都静系电视上面见到嘅植物，甚至可以喂下鲤鱼甘啦，等等等等。可以话，系呢连给嘅行程里面，我地将会同大自然有一个亲密嘅接触，各种生态环境同理念都会带比我地城市人一个独特嘅体验。
甘可能好多团友会比较关心今日开具体行程安排，甘系呢度我就简单介绍下等大家可以预热一下，兴奋翻一阵先啦：呢家系7点半啦，我地去到深圳大概要2个钟左右嘅车程，甘喈系话，系9点左右我地就会去到深圳嘅大梅沙东部华侨城噶啦，甘我地会直接系大峡谷落车啦，然后我会带大家去目前中国最大嘅，跨度最长嘅人工瀑布——就系呢个大峡谷瀑布啦。然后我地沿迂回小路，行上大峡谷嘅云中部落。当然，有d朋友亦可以坐缆车直接上去，费用系自理噶。甘我地要去云中部落做咩呢？大家知5知啊？系啦，有d朋友仔已经估到啦，因为云中部落系成个华侨城嘅最高点，我地到云中部落嘅观景台俯瞰一下深圳大梅沙嘅全景噶喔。所以有畏高症嘅朋友就唔好上去啦~甘有d朋友觉得甘样好难睇到个景色啊，甘都唔怕噶喔，因为稍后我地仲会乘坐云中部落自然之眼观光塔，保证令大梅沙全景尽收你嘅眼底噶喔。然之后，我地会又行到来到茶溪谷，系呢度我地会有1个钟嘅时间，比甘多位朋友仔游览最令大家大开眼界嘅湿地公园，之后各位就跟住阿宜我去到茵特拉根小镇睇下d鬼佬表演噶喔。甘睇左成朝，又行左成朝啦，大家都肚仔饿啦，甘午餐我地系唔包噶喔，甘大家可以系沿途嘅餐厅用膳，之后大家嘅一个下午都会系茶溪谷嘅茶翁古镇里面自由甘度过噶喔。大家可以睇茶戏，叹茶，食茶点啦，若果各位朋友仔见到甘靓嘅自然风光，都可以同埋自己嘅另一半，或者老豆妈子公公婆婆一齐系三洲茶园散下步，吹下水噶喔~甘如果大家当中会有人提前游玩个茶翁古镇，又脚仔攰啦唔想去散步，之又觉得无聊嘅话，可以自费坐森林小火车去大峡谷露天剧场睇下露天多媒体表演。甘我地会系5点半系大峡谷门口集中，亦既系我地落车嘅同一个地方。甘样愉快嘅旅程就结束啦。
我一轮嘴甘讲左甘多，唔知道大家对呢个即将到来嘅行程有冇一种好期待嘅感觉呢？我见依家大家精神都甘亢奋，不如就同大家玩一个游戏啦！输左个个要大惩罚噶喔！~（大包团的话就玩游戏，游戏包括“开口中”“估歌仔”“词语接龙”“避开数字”散客的`话就讲一下话题，例如，深圳华侨城概况，佛山到深圳的交通改善）
Over，over，我以下落离要讲嘅野会好重要噶，关系到大家可唔可以玩得尽兴，尽量避开麻烦同唔高兴嘅野噶喔。所以，训觉嘅朋友仔啊，醒下啦，同埋坐系后面嘅朋友仔啊，请竖起晒两只耳仔听清楚啦：琴晚我都发左信息比大家，提醒大家今日嘅行程比较多路程要走，最好着休闲鞋，但可能好多女士都系“要靓5要命”噶喔~我见到今日有几位女士都着左高争鞋过来，甘如果有带拖鞋凉鞋过来嘅就临落车前换定距先啦，甘冇带嘅，系你行到攰嘅时
候都可以留意下沿路嘅摊当，买翻对特色拖鞋继续走咯？仲有啊，各位要靓靓嘅女士们注意啦，要记得搽厚厚嘅防晒用品，或者戴好帽，因为而家仲夏嘅太阳，实在太热情啦~好重要嘅系，大家落车个阵除左带好贵重物品之外，仲要拿埋矿泉水落离喔，系猛阳当下，梗系要及时补充水分啦，大家都唔想翻到来变成一条干尸噶系咪？另外呢，我地去到一个甘生态，甘环保嘅旅游区，好应该自觉甘处理好自己产生嘅垃圾，爱护卫生，唔好乱丢垃圾，呢个阿宜请求大家无论系车上或者系旅游区里面都要遵守好！~仲有一个好基本嘅就系，请各位大朋友一定要照顾好自己嘅细蚊仔喔，千奇唔好比距乱跑乱走啊，唔系稍冇留意走散左甘要搵翻距出来真系几麻烦噶~而且而家暑假，某d娱乐项目可能会需要排队，而且排队人数会较多，请大家适当灵活甘安排自己嘅行程同埋路线，某d娱乐设施例如山地单车，湿地游艇，旋转花车，升空氢气球，水上高尔夫，电瓶车，老爷车，大峡谷剧场等等都系自费游玩嘅，甘具体嘅费用以景区当日通告为准嘅。需要说明清楚嘅系，我地呢个团票只含有入场门票同来回车费，区内一切消费，包括午餐亦都不含其中噶。甘大家系沿路嘅小摊度睇中d靓嘅小精品可以买翻屋企，但请瞪大只眼，亦都要管好自己只手，唔想买嘅话唔好乱摸或者乱指，预防有强逼性购买嘅情况发生。最后一点需要重新讲明，大家都要注意啦，我地嘅集中时间系5点半，集中地点系我地落车嘅地点，请大家都要守时系指定地点集合，令其他朋友仔都可以高高兴兴游玩去，准准时时回家去，而且我地唔会等好耐噶，你迟大到的话我地会发车走人噶啦，要你自己夜猛猛自己打车翻屋企噶啦，所以，请大家系差唔多够钟嘅时候就好准备过来集合地点啦。最最最后，请大家拿出手机，记一记我嘅电话号码，13xxx，再讲一次，系13xxx，而且认住我地坐紧部车系白色X888。到时我就会企系车边等大家翻来噶啦~
甘大家如果有咩问题嘅可以慢慢走过来上面同我查询，但要主要扶稳，唔好跌亲喔。但下面我放下歌仔比大家听下啦~
相关文章
钱塘江大潮导游词（通用五篇）2023-06-14 17:21:54
200字龙门石窟导游词2023-06-03 03:11:22
泰山英文导游词2023-06-05 01:14:53
珠海长隆导游词最新范文2023-06-02 09:23:28
福建的旅游导游词2023-06-02 13:09:33
天池风景区导游词范文2023-06-13 23:54:49
上海对外经贸大学和北京交通大学(威海校区)对比哪个好(排名分数线区2024-03-31 16:25:18
河北高考排名237950名物理能上什么大学(能报哪些学校)2024-03-31 16:19:23
山东城市建设职业学院在山东招生人数和招生计划 多少人2024-03-31 16:15:16
上海农林职业技术学院在湖南招生人数和招生计划 多少人2024-03-31 16:12:52
吉林农业科技学院在湖南招生人数和招生计划 多少人2024-03-31 16:09:19
安徽高考多少分可以上云南经贸外事职业学院 招生人数和最低分2024-03-31 16:04:52
景点导游词(十五篇)2023-06-11 20:10:27
四川九寨沟导游词(精选十五篇)2023-06-03 11:44:39
湖北省有名景点导游词2023-06-18 14:24:56
